Rekruttering i Ryfylke

Går du med ein god ide til ei ny bedrift? Ønskjer du å setje opp ei bedrift for eit arbeid du gjer? Har du lyst til å lage eit arrangement, eit prosjekt eller noko anna spanande? Eller kanskje ønskjer du inspirasjon og støtte til å vidareutvikla den bedrifta du allereie har? Då høyrer Suldal Vekst gjerne frå deg!

Ein av 40 næringshagar

Suldal Vekst AS er ein av 40 næringshagar i Noreg. Me har som  som mål å hjelpe grunderar og andre med gode idear til å skape nye bedrifter og arbeidsplasser i Indre Ryfylke, og å støtte opp om eksisterande bedrifter for å sikre auka verdiskaping og vekst. Gjennom ulike statlege, regionale og kommunale ordningar har Suldal Vekst tilgong på ei rekke ulike verkemiddel, støtteapparat, nettverk og ordningar som me kan linke deg opp med for å gi deg best mogleg hjelp på di og di verksemd si reise. Me set deg også i kontakt med personar, organisasjonar og andre mentorar som er ekspertar på akkurat det du driv med.

Grunderane er våre heltar, og me heiar på unge grunderar som ønskjer å vera med på å skapa framtidas løysingar og verksemder. Har du eit ønskje om å skape noko treng du difor ikkje lang erfaring eller kompetanse innanfor bedriftsleiing. Brenn du for din ide og ønskjer å satse  på å få den ut i livet hjelper me deg gjerne på vegen.

‍Reiseliv og prosjektleiing

I tillegg til å vera ein næringshage som arbeider mot nye og eksiserande bedrifter tek Suldal Vekst ei rekke oppdrag som prosjektleiiar. I Suldal Vekst har eit stort fokus på reisemålsutvikling der me driftar Suldal turistkontor og merkevara Visit Suldal. I 2020 blei Suldal merka som eit Berekraftig reisemål under ordninga til Innovasjon Norge, og verktøya og prinsippa herifrå er difor ein viktig del av reisemålsutviklinga. Me har også eigne personar som har fokus på rekruttering, arrangementutvikling og andre prosjekt.

Me høyrer gjerne frå deg!

I Suldal Vekst har me trua på at menneske er det viktigaste for at bedrifter og samfunna våre i Ryfylke skal vera levande og gode, også i framtida. Dette er grunnen til at me treng nettopp deg til å bygge opp framtidas Ryfylke!

Har du ein bedriftside? Går du rundt med eit ønskje om å starte opp eit prosjekt? Eller kanskje du ønskjer å vite meir om Suldal Vekst sitt arbeid? Då høyrer me gjerne frå deg!