Rekruttering i Ryfylke

Går du med ein god ide til ei ny bedrift, eller kanskje du ønskjer du å setje opp ei bedrift for eit arbeid du allereie gjer? Har du lyst til å lage eit arrangement, eit prosjekt eller noko anna spanande? Eller kanskje ønskjer du inspirasjon og støtte til å vidareutvikla den bedrifta du allereie har? Då høyrer me gjerne frå deg!

For deg med gode idear eller ønskje om å bli gründer

Går du med ein ide til eit nytt tilbod eller produkt som du ønskjer å dele med verda, eller kanskje du alltid har hatt ein draum å skape din eigen arbeidsplass? Me hjelper deg med alt frå ideavklaring, utvikling av forretningsplan og etablering av bedrift.

Gjennom eit samarbeid med kommunane Suldal og Hjelmeland tilbyr me gratis etablerarettleiing for alle som ønskjer å realisere gründerdraumen!

For deg som ønskjer å starte opp eit prosjekt, ein aktivitet eller eit arrangement

Ønskjer du å koma i gong med eit prosjekt, men er usikker på korleis du kjem i gong? Lurer du på kven som kan vera med på laget eller korleis du skal organisere deg for best mogleg resultat? Næringshagen i Ryfylke hjelper deg gjerne i gong med prosjektet ditt, og kan følgje deg heile vegen til ferdig resultat.

For deg som ønskjer å arbeide med forretningsutvikling, reiseliv og prosjekt - praksisplass!

I Næringshagen i Ryfylke er me eit lag på seks personar som arbeider for å hjelpe bedrifter, grunderar og andre med å starte opp og vidareutvikle sine idear i vår region, då me har trua på at me treng eit samfunn rikt på bedrifter og aktivitetar for at Ryfylke skal vera ein god stad å bu og leva. Som ein del av dette har me også ei rekke oppgåver knytt til reisemålsutviklinga av Suldal, i tett samband med Suldal kommune. Her er me mellom anna ansvarlege for turistinformasjonen, VisitSuldal.no, turistbrosjyrar, Visit Suldal sine digitale kanalar og mykje anna. Næringshagen tek inn ein lærling knytt til våre reiselivsoppgåver, og høyrer gjerne frå deg om du er interessert i å ta din praksis hjå oss.