Kvart år samlar me ungdommar frå Sauda og Suldal til inspirasjonsdag for yrkes- og utdanningsval. I 2023 blir messedagen for Suldal og Sauda arrangert den 9. november i Saudahallen.
Dei digitale bedriftssidene her på denne nettsida er tilgjengelege gjennom heile året for dei som søker råd til utdanningsløp, læreplass eller yrkesval. Du kan også besøke inspirasjonssidene der du finn informasjon og videoar frå tidlegare messer. Fjorårets nettsider blir redigert etter påmeldingsfrist for årets messe 29. september.
Kva skal du bli? Kva utdanning skal du ta? Kvar kjem du til å bu?
Me veit at ein på ungdomsskulen og vidaregåande går rundt med mange spørsmål og tankar rundt framtid og utdanningsval. Målet med YUM er å bidra til å gjera desse vala litt enklare ved å synleggjera kva moglegheiter ein har innanfor utdanningsløp og arbeidsplassar i indre Ryfylke.
Gjennom heile året vil du kunne ta i bruk denne portalen for å finne informasjon om dei ulike arbeidsplassane og yrkesvala som regionen vår kan tilby. Kvart år arrangerer me også ei årleg Yrkes - og utdanninsmesse (YUM) der me ønskjer å gi deg informasjon og inspirasjon til utdanning - og yrkesval i indre Ryfylke. Her vil du også kunne møte dei ulike bedriftene på stand for å få meir informasjon.
YUM
YUM er eit samarbeid mellom Sauda VGS, Rytopp, ungdomsskulane, kommunane og næringslivet i Sauda og Suldal.
