Rekruttering i Ryfylke

Kva er helse- og oppvekstfag?

Liker du å arbeide med menneske, er god til å samhandla og kommunisera med andre, ønskjer å visa omsorg og synes det er spanande å utvikle desse sidene av deg vidare? Då er helse- og oppvekstfag noko for deg. Gjennom denne fagutdanninga vil du få innsikt i kosthold, ernæring, korleis kroppen er bygd opp og utviklar seg, i tillegg til psykisk og fysisk helse. Du vil også lære om helsefremmande arbeid og om korleis ein møter andre menneske og pasientar i ulike situasjonar.

Kva kan eg arbeida som?

Utdannar du deg i denne retninga  kan du velje mellom mange yrke og arbeidsplassar innan helse- og oppvekst, både i privat og offentleg sektor. Du kan mellom anna bli helsefagarbeidar, ambulansearbeidar, portør, barne- og ungdomsarbeidar, apotekteknikar, helsesekretær, hudpleiar og fotterapaut.

Kva moglegheiter har eg etter fullført utdanning?

Yrkesfagleg opplæring fører fram til yrkeskompetanse, med eller utan fag - eller svennebrev. Når du er ferdig med yrkesfagleg opplæring har du følgjande val:

• Du kan gå ut i arbeid.

• Du kan søke VG3 eller VG4 påbygg for å få generell studiekompetanse.
• Du kan søke deg inn på fagskule.

Kva moglegheiter finn eg i Ryfylke?

Nedanfor finn du ei oversikt over aktuelle utdanningsval og arbeidsplasser relevante for helse- og oppvekstfag i regionen vår.

‍