Kva ville du bli då du var 15?

Då tenkte eg ikkje så mykje på at eg skulle bli noko, meir at eg ville jobba med noko kreativt.

Kva utdanning har du tatt?

Eg gjekk 3 år på Forus videregående skole på linja tegning, form og farge. I tillegg til kreative fag, fekk eg med meg generell studiekompetanse. Videre tok eg fysikk og matematikk som privatist slik at eg fekk spesiell studiekompetanse, og kunne søkja meg inn på NTNU kor eg tok mastergrad i bygg- og miljøteknikk.

Kva gjer du i dag?

I dag arbeidar eg med kreativitet, men på ein annan måte enn eg såg føre meg som 15-åring. Eg arbeidar som prosjekt- og anleggsleiar hjå BG Suldal AS. Det er ein veldig kompleks og variert stilling kor det stadig er utvikling og nytt. Eg likar nok best å sjå på heilskap i prosjekt og legge forholda til rette for at mine kollegaer skal kunne utføre sine arbeidsoppgåver som fagpersonar. Det er høgt tempo, kjekt og veldig variert arbeid, og aller kjekkast å bidra til at flinke fagfolk kan byggja.  

Kva råd ville du gitt deg sjølv som 15-åring?

Vel ei utdanningslinje innan noko du likar, det er lurt å ta eit fagbrev dersom du ikkje er veldig målbevisst. Då kan du enkelt byggje på med meir utdanning. Hadde eg visst, då eg var 15 år, at eg skulle ta ei sivilingeniør-utdanning hadde eg kanskje tatt studiespesialisering på vidaregåande, slik at eg hadde meir «trening» i bruk av realfaga før eg starta på universitetet, men eg har aldri trega på at eg valte ei linje og eit fag som eg likte på vidaregåande.

‍

Helen Moen Gjuvsland

Prosjekt- og anleggsleiar i BG Suldal AS