Rekruttering i Ryfylke

Kva er maritime fag?

Er du glad i sjøen og praktisk anlagt, og vil du ha ein jobb der ingen dagar er like? Då kan maritime fag vera noko for deg. Maritime fag er eit Vg2-løp som byggjer på Vg1 Teknologi- og industrifag eller Vg1 Elektro og datateknologi. Her lærer du om navigasjon og manøvrering, dekksarbeid og fortøying, og om drift og vedlikehald av motorar og maskineri om bord. Helse, miljø og tryggleik står sentralt i faget, og du lærer korleis ein førebyggjer ulukker og handterer beredskap til sjøs. Faget passar for deg som trivst i eit tett arbeidsmiljø, kan ta ansvar og ikkje let deg skremma av skiftande ver og vind.

Kva kan eg arbeida innanfor?

Med ei utdanning innanfor maritime fag kan du få jobb om bord på mange ulike fartøy. Det kan vera ferjer, snøggbåtar, brønnbåtar og servicefartøy i havbruksnæringa, offshorefartøy eller større handelsskip. Etter Vg2 går du ut i lære, og du kan ta fagbrev som matros eller motormann. Som matros arbeider du på dekk med mellom anna navigasjon, fortøying og vedlikehald. Som motormann har du ansvar for drift og vedlikehald av maskineriet. Maritim kompetanse er også etterspurd på land, til dømes på verft, i hamner og i verksemder som leverer utstyr og tenester til skipsfarten.

Kva moglegheiter har eg etter fullført utdanning?

Yrkesfagleg opplæring fører fram til yrkeskompetanse, med eller utan fag- eller svennebrev. Når du er ferdig med yrkesfagleg opplæring, har du følgjande val:

• Du kan gå ut i arbeid.
• Du kan søke opptak til enkelte utdanningsinstitusjonar. Y-vegsstudium er tilpassa deg som har relevant fagbrev, svennebrev eller yrkeskompetanse, men manglar generell studiekompetanse.
• Du kan søke VG3 eller VG4 påbygg for å få generell studiekompetanse.
• Du kan søke deg inn på fagskule og utdanna deg vidare til dekksoffiser eller maskinoffiser.

Kva moglegheiter finn eg i Ryfylke?

Ryfylke er ein region prega av fjordar, ferjesamband og ei sterk havbruksnæring, og det er god bruk for maritim kompetanse her. Nedanfor finn du ei oversikt over aktuelle utdanningsval og arbeidsplassar relevante for maritime fag i regionen vår.